- चिरफार डटकम, विराटनगर १०३ पटक हेरिएको
सोमबार, भाद्र ०८, २०८३ समय : १६:४०:३६ , ३ घन्टा अगाडि
यही भाद्र १० गते बुधवार विराटनगरमा विराट भिक्षु भक्ति सन्ध्या कार्यक्रम हुन लागेको छ ।
तेरापंथ युवक परिषद् विराटनगरले जैन भवनमा आयोजना गर्न लागेको विराट भिक्षु भक्ति सन्ध्या कार्यक्रममा अखिल भारतीय तेरापंथ युवक परिषद्का राष्ट्रिय अध्यक्ष पवन मांण्डीत र राष्ट्रिय उपाध्यक्ष अभिनन्दन नाहटाले सहभागिता जनाउने छन् ।
तेरापंथ युवक परिषद् विराटनगरका अध्यक्ष अरिहन्त दुगडले पूर्व अध्यक्ष मोहित लालवानीलाई कार्यक्रम संयोजकको जिम्मेवारी दिएर विराट भिक्षु भक्ति सन्ध्या कार्यक्रम आयोजना गर्न लागेको छ ।
जुन कार्यक्रममा सम्पूर्ण तेरापंथ समाजको सहभागिताका साथै मारवाडी समाजका विशिष्ट व्यक्तिहरुको सहभागिता रहने छ ।
कार्यक्रममा सुमधुर गायक कमल सेठीयाको प्रस्तुती रहने छ ।
