- चिरफार डटकम, विराटनगर १७० पटक हेरिएको
शुक्रबार, भाद्र १३, २०८२ समय : १७:४१:२८ , १५ घन्टा अगाडि
कोशी प्रदेश सरकारको भौतिक पूर्वाधार विकास मन्त्रालय र ६ स्थानीय तह बिच फोहोरमैला व्यवस्थापन रणनीतिक साझेदारी पत्रमा शुक्रबार हस्ताक्षर भएको छ ।
कोशी प्रदेशका ६ स्थानीय तहका प्रमुख तथा उपप्रमुखहरूले नेपालमा पहिलो पटक सुरु हुन लागेको फोहोरमैला व्यवस्थापन कार्यान्वयनका लागि प्रतिबद्धता जनाएका छन् ।
कोशी प्रदेश सरकारका भौतिक पूर्वाधार विकास तथा स्वास्थ्य मन्त्री भुपेन्द्र राई र भौतिक पूर्वाधार राज्य मन्त्री भुमिप्रसाद राजवंशीको उपस्थितिमा मोरङका ४ र इलामका २ गरी ६ स्थानीय तहका प्रमुख तथा उपप्रमुख र प्रमुख प्रशासकीय अधिकृतले सम्झौता पत्रमा हस्ताक्षर गरेका छन् ।
कोशी प्रदेश सरकारको भौतिक पूर्वाधार विकास मन्त्रालयसँग फोहोरमैला व्यवस्थापन रणनीतिक साझेदारी पत्रमा हस्ताक्षर गर्नेमा रंगेली नरपालिका सूर्योदय नगरपालिका, सुनवर्षि नगरपालिका, धनपालथान गाउँपालिका, कानेपोखरी गाउँपालिका र रोङ गाउँपालिका रहेका छन् ।
रंगेली नगरपालिकाका मेयर दिलिप बगडिया (अग्रवाल) ले फोहोरमैला व्यवस्थापनको क्षेत्रमा खर्च हुने मध्ये ५० प्रतिशत रकम भौतिक पूर्वाधार विकास मन्त्रालयले दिने बताए । १२ करोड रुपैयाँ फोहोरमैला व्यवस्थापनमा खर्च गर्ने स्थानीय तहले बढीमा ५ करोड र ८ करोड रुपैयाँ खर्च गर्ने स्थानीय तहले ४ करोड रुपैयाँ सहयोग पाउने मेयर अग्रवालले बताए ।
यस बाहेक फोहोरमैला व्यवस्थापनका लागि भौतिक पूर्वाधार विकास मन्त्रालयले अत्याधुनिक प्रविधिको मेशिन उपलब्ध गराउने मन्त्री राईले बताए ।
