- ब्रह्मदेव यादव, विराटनगर ३४४ पटक हेरिएको
बिहिबार, मंसिर ११, २०८२ समय : १५:१५:४१ , २ दिन अगाडि
प्रधानमन्त्री सुशिला कार्कीलाई बोलेको कुरा फिर्ता लिन मुस्लिम समुदायले सुझाव दिएको छ । मोरङका मुस्लिम समुदायले बिहीबार विराटनगरमा पत्रकार सम्मेलन गरेर प्रधानमन्त्री कार्कीलाई बोलेको कुरा फिर्ता लिन आग्रह गरेका छन् ।
कानुन विज्ञ प्रधानमन्त्री कार्कीले बोलेको कुरालाई लिएर उनको गृह नगर विराटनगरवासी चिन्तित रहेको कारण सामाजिक सद्भावलाई कायम राख्नका लागि बोलेको कुरा अविलम्ब फिर्ता लिन मुस्लिम समुदायले आग्रह गरेका छन् ।
मोरङ मुस्लिम समुदायको तर्फबाट अधिवक्ता जरिना खानमले पत्रकार सम्मेलन गरेर प्रधानमन्त्री कार्कीलाई बोलेको कुरालाई लिए सार्वजनिक रूपमा स्पष्टीकरण दिन सुझाव दिएको छ ।
प्रधानमन्त्री कार्कीले १६ दिने महिला हिंसाको पहिलो दिन आयोजित एक कार्यक्रममा इस्लामको इतिहासलाई मुस्लिम देश अरबसँग जोडेर मुस्लिम समुदायलाई मानमर्दन हुने गरी होच्याउने खालका अभिव्यक्ति दिएका थिए ।
प्रधानमन्त्री कार्कीले इस्लाममा छोरी जन्मिएपछि गाड्ने परम्परा रहेको विषयलाई उठान गरेका थिए । १४ सय ५० वर्ष अगाडी मुस्लिम देश अरबमा छोरी जन्मिएपछि गाड्ने परम्परा रहेको थियो ।
इस्लाम धर्म गुरु मो. पैगमबरले छोरी गाड्ने परम्पराको अन्त गरेका थिए । यतिखेर इस्लामको पुरानो इतिहासलाई प्रधानमन्त्री कार्कीले नेपालको मुस्लिम समुदायसँग जोडेर दिएको अभिव्यक्ति प्रति मुस्लिम समुदायले असन्तुष्टि जनाएका छन् ।
प्रधानमन्त्री कार्कीले दिएको अभिव्यक्ति फिर्ता लिन मुस्लिम समुदायले आग्रह गरेका छन् । पत्रकार सम्मेलनमा जेन्जी युवा मो. जमसेद आलम, प्रधानमन्त्री कार्की, मधेसी मुस्लिम विरोधी रहेको बताए ।
जेन्जी आन्दोलनपछि कार्की प्रधानमन्त्री भएको तर उनले मन्त्री मण्डलमा मधेसी मुस्लिममाथि भेदभाव गरेको आरोप लगाए । सामाजिक अभियन्ता मदिना खातुनले कानुनका विज्ञ प्रधानमन्त्री कार्कीले सामाजिक सद्भाव बिथोल्ने गरी दिएको अभिव्यक्ति फिर्ता नलिए नेपालमा बसोबास गरिरहेका मुस्लिम समुदाय पहिचानका लागि अगाडी बढ्ने बताए ।
