- चिरफार डटकम, विराटनगर ४४४ पटक हेरिएको
बिहिबार, आषाढ ०४, २०८३ समय : १४:३१:०२ , २ महिना अगाडि
विराटनगरका इन्धन व्यवसायी सुनिलकुमार बिडलाले नेपाल पेट्रोलियम डिलर्स राष्ट्रिय एसोशिएसनको द्वितीय उपाध्यक्ष पदमा उम्मेदवारी दिने घोषणा गरेका छन् ।
यही असार ५ र ६ गते काठमाडौँमा नेपाल पेट्रोलियम डिलर्स राष्ट्रिय एशोसिएसनको ४६औं वार्षिक साधारण सभा तथा १७औं राष्ट्रिय सम्मेलनमा बिडलाले द्वितीय उपाध्यक्ष पदमा उम्मेदवारी दिने घोषणा गरेका छन् । विश्वप्रसाद अर्यालको प्यानलबाट बिडला एशोसिएसनमा द्वितीय उपाध्यक्ष पदको उम्मेदवार बनेको हो ।
द्वितीय उपाध्यक्ष पदका उम्मेदवार बिडलाले विश्वको विकसित देशमा इन्धन व्यवसायीले इन्धन बिक्रीबाट प्राप्त गरिरहेको कमिसन प्रतिशतलाई नेपालमा लागु गराउन पहल गर्ने प्रतिबद्धता व्यक्त गरेका छन् ।
द्वितीय उपाध्यक्ष पदका उम्मेदवार सुनिल कुमार बिडला विराटनगरका पुराना इन्धन व्यवसायी स्व. सत्यनारायण बिडलाका छोरा हुन् ।
