- चिरफार डटकम, विराटनगर ३९५ पटक हेरिएको
शुक्रबार, बैशाख १५, २०८० समय : १६:२५:२५ , १ वर्ष अगाडि
कोशी प्रदेशको राजधानी विराटनगरले केही समयपछि अर्को गर्भनर पाउँदैछ । विराटनगरका सामाजिक व्यक्तित्व विजयहरी शर्मा लायन्स क्लब अन्तर्राष्ट्रिय डिष्ट्रिक ३२५ सी को सन् २०२३–२०२४ का लागि गर्भनर नियुक्त हुँदैछ ।
लायन्स क्लब अन्तर्राष्ट्रिय डिष्ट्रिक ३२५ सी क्याबिनेट (पि.डि.जी.) को भेलाले शर्मालाई क्लबको प्रथम भाइस गर्भनर नियुक्त गरेको हो । २०८० साल जेष्ठ १२ गते सुनसरीको धरानमा आयोजना हुने क्लबको राष्ट्रिय महाधिवेशनले शर्मालाई गर्भनर निर्वाचित भएको घोषणा गर्नेछ ।
आगामी गर्भनरकालागि शर्माको १ मात्र उम्मेदवारी पर्नेछ । र उनि सर्वसम्वत गर्भनर बन्ने प्रावधान छ । सामाजिक व्यक्तित्व शर्मा ३८ बर्षदेखि निरन्तर लायन्स र लियो क्लबमा आवद्ध भएर काम गरिरहेका छन् ।
यस अघि विराटनगरबाट फुलकुमार लालवानी, भीम घिमिरे, लीला ढुंगेल, राजन खत्री र रेवत कार्की लायन्स क्लब अन्तर्राष्ट्रिय गर्भनर भई सकेका छन् । नेपालमा ५२ बर्षअघि लायन्स क्लब अन्तर्राष्ट्रियको स्थापना भएको थियो ।
