- ब्रह्ममदेव यादव, विराटनगर ८९६ पटक हेरिएको
शनिबार, भाद्र २९, २०८१ समय : १४:५८:४८ , १ महिना अगाडि
नेकपा माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहाल (प्रचण्ड) ले नेपाल उद्योग वाणिज्य महासंघ कोशी प्रदेश समितिका अध्यक्ष एवं उद्योगी राजेन्द्र राउतको सार्वजनिक समारोहमा खुलेर प्रशंसा गरेका छन् । नेपाल उद्योग वाणिज्य महासंघको कोशी प्रदेश समितिले मोरङ जिल्लाको कटहरी गाउँपालिकामा ४ दिने कृषि एक्स्पोको आयोजना गरेका छन् ।
कृषि एक्स्पोमा नेपाल र भारतका गरी १ सय ३० भन्दा बढि स्टल रहेका छन् । शनिबार कृषि एक्स्पोको अवलोकन गर्दै प्रचण्डले राउतको सार्वजनिक समारोहमा खुलेर प्रशंसा गरेका छन् । शनिबार विराटनगरमा पानी परिरहेको बेला छाता ओढेर प्रचण्डले एक्स्पोमा रहेको स्टलको अवलोकन गरेको हो । कृषि एक्स्पोको अवलोकन पछि प्रचण्डले राउतको प्रशंसा गर्दै भनेः सरकारले गर्नुपर्ने काम निजी क्षेत्र नेपाल उद्योग वाणिज्य महासंघ कोशी प्रदेश समितिको तर्फबाट तपाईंले गर्दै हुनुहुन्छ ।
तपाईंले आयोजना गरेको दुई ठूला महत्वपूर्ण काम कृषि एक्स्पो २०८१ र रोजगार मेला जनतालाई प्रत्यक्ष फाइदा पुग्ने भएकोले धन्यवाद, बधाई सहित हार्दिक आभार प्रकट गर्दछु । नेपाल उद्योग वाणिज्य महासंघ कोशी प्रदेश समितिका अध्यक्ष उद्योगी राजेन्द्र राउत, कार्यकारिणी समितिका सदस्य देवकिनन्दन अग्रवाल, श्रवण अग्रवाल, भविषकुमार श्रेष्ठ, पुण्य भट्टराई, सरु केसी र महानिर्देशक राधारमण भण्डारी (श्याम) ले नेकपा माओवादी केन्द्रका अध्यक्ष एवं पूर्व प्रधानमन्त्री प्रचण्डलाई कृषि एक्स्पोमा स्वागत गरेका थिए ।
नेकपा (एकीकृत समाजवादी) का अध्यक्ष एवं पूर्व प्रधानमन्त्री माधवकुमार नेपालले यस अघि नै कृषि एक्स्पोको अवलोकन गरिसकेका छन् । भाद्र २७ गतेदेखि सुरु भएको कृषि एक्स्पो ३० गतेसम्म सञ्चालनमा रहने छ ।
