- चिरफार डटकम, विराटनगर १०७ पटक हेरिएको
शुक्रबार, जेठ २९, २०८३ समय : १६:०३:१४ , ४ घन्टा अगाडि
विराटनगर कारागारमा कैदी–बन्दीको जीवन बिताइ रहेका ४ सय १० जनाले आँखाको परीक्षण गराएका छन् ।
चौकीदार राकेश यादवको पहलमा विराटनगर कारागार प्रशासनले कैदी–बन्दीका लागि निःशुल्क आँखा परीक्षण शिविर आयोजना गरेका थिए ।
रानी आँखा अस्पतालको प्राविधिक सहयोगमा कैदी–बन्दीको आँखा परीक्षण गरिएको थियो ।
४ सय १० जना कैदी–बन्दीले आँखाको परीक्षण गराउँदा ४ जनाको आँखामा मोतिया बिन्द रोग फेला परेका थिए ।
१ सय ५ जनाको आँखामा समस्या देखिएकोले नजिक र टाढा हेर्नका लागि सस्तो र सुलभ मूल्यमा पावरवाला चश्मा वितरण गरिएको चौकीदार राकेश यादवले जानकारी गराए ।
मोरङका प्रमुख जिल्ला अधिकारी युवराज कट्टेल आँखा शिविरमा सहभागी भएका थिए ।
